آخر شهر

الباقه بتخلص ايه الحل ؟

كتير مننا بيعاني من مشاكل النت من بطء السرعة وان الباقة ما بتكملش لآخر الشهر واوقات كتير بتخلص في اول الشهر
علشان كده انهارده هقولكم على الزيتونة وازاي تخلي باقة النت تكمل معاك لآخر الشهر
بالنسبة للانترنت في مصر تحديداً فمعروف ان شركات الاتصالات ال 4 بتقدم خدمة الانترنت
وكتير بيقول على معظمهم نصابين وحرامية، اوقات فعلاً بيكون في حجات مش مظبوطة زي ان الباقة لسة عاملينها ونلاقيها خلصت فوقتها بنقدم شكاوى وبناخد حقنا،

ولكن نيجي للوضع الطبيعي وهو ان الباقة تخلص معانا في خلال اسبوع
مبدئياً: احنا لازم نفهم الاول شركات النت بتحاسبنا ازاي على الجيجات

المعروف ان السرعة بتنقسم لجزئين:

  • سرعة التنزيل “Download” :
  • سرعة الرفع “upload”:
نبدأ بشرح سرعة التنزيل: “Download speed”
السرعات في مصر ماشية بالميجا بت مش بالميجا بايت ونركز في النقطة دي علشان مهمة جداً!!
1MB = 8Mb
ال 1 ميجابايت = 8 ميجا بت
وبما ان السرعات في مصر ماشية بالميجابت يعني لو مشترك في سرعة 8 ميجا فهي هتكون 8 ميجا بت يعني هتحمل الملف بسرعة 1 ميجا بايت

سرعة الابلود

وبينطبق عليها نفس الموضوع في المجابايت والميجابت
ولكن في مصر سرعة الابلود بتكون غالباً 1/8 من سرعة التنزيل
نيجي بقى للزيتونة: نظام المحاسبة بيكون على حسب استهلاكك لل Bandwidth
الباندويدث هو اجمالي البيانات المستهلكة خلال الابلود او الداونلود
يعني لو عملت ابلود لاي حاجه سواء صورة او فيديو ده هيتحسب
ولو عملت تحميل لاي حاجه سواء صورة او فيديو ده برضوا هيتحسب
فانت هتتحاسب ع ال 2
مش بس كده ده انت هتتحاسب على اي موقع بتفتحه سواء فيس بوك او تويتر او غيره
وكمان هتتحاسب على اي فيديو بتشغله سواء ع فيس او يوتيوب
لان الفيديو علشان يشتغل بيفضل يحمل بيانات ع الجهاز بتاعك علشان يقدر يعرضهالك على شكل فيديو.
بعد ما فهمنا ازاي بنتحاسب على استهلاكنا جه الوقت اللي اقولكم فيه الطرق اللي هتساعدكم تقللوا استهلاككم.
لازم نتأكد من عدد المتصلين بالشبكة وانه مفيش حد مخترق شبكة الوايفاي
ودي ممكن تعرفها من خلال برنامج اسمه fing هتلاقيه على متجر جوجل بلاي
1- هتدخل علي اي متصفح  وتكتب في URL  

192.168.1.1


2- هتكتب في الusername والpassword
غالبا بيبقا admin
            admin


3- بعد لما تدخل هاضغط علي Network وبعد كده WL AN هيظهر كما موضح في الصوره


4-اضغط علي mode ثم اختيار IEEE 802.11 only ثم اضغط علي submit

الكاتب محمد شريف 


الباقه بتخلص ايه الحل ؟ الباقه بتخلص ايه الحل ؟ تمت مراجعته من قبل Mohamed Sherif في أكتوبر 19, 2019 تقييم: 5

ليست هناك تعليقات: