Mohamed Sherif

اعلان

آخر المواضيع

حلقات

الأحد، 21 أكتوبر 2018

أكتوبر 21, 2018

انا مين لو حد بيسأل؟

أنا اسمي (محمد شريف) شاب مصري السن 19 سنه 
طالب ف كليه آداب  قسم جغرافيا 
جامعه بنها 
البداية/ كنت وأنا طفل عندو 7 سنين كنت متعلق جدا بالكمبيوتر والالعاب القديمة جدا لدرجه كنت بقضي اليوم كلوه بره 😀  علي السيبر ومخلص فلوسي كلها علي اللعاب علي الكمبيوتر فضلت علي الحال ده سنه أمي لحظت ده فقررت تجبيلي كمبيوتر ودية حاجه مكنتش سهله خالص كان اللي عندو كمبيوتر ناس معددوه علي الأيد فا روحنا جبنا الكمبيوتر كانت نظريته لي مختلفة شويه طبعا أنا جايبو عشان اللعاب فضلت العب عليه شهرين زهقت فقولت لنفسي هو الكمبيوتر ده شغال اذاي.
 فهنا بدأت الحكايه اي حاجه تحصل في الجهاز انا اللي كنت بصلحو عمري ما روحت لحد اصلحو ده كلو عندي كام سنه 8 سنين لحد ما اتقنت اذاي اصلح الكميوتر من كل حته ويندوز واي حاجه تانيه .
سمعت عن حاجه اسمها نت اتجننت بيقولك وانتا قاعد في البيت تقدر تجيب اي معلومه بسهوله فضلت احوش لحد ما وصلت وصله في البيت بمساعده امي وابويا وصلت نت في البيت دي حاجه انجاز بي النسبالي .
طبعا النت في مصر ثلاث حاجات فيس بوك و يوتيوب و ....😂
انا بقا الحمد الله معرفتش الحاجات دي خالص النت بالنسبالي اني اقدر اجيب المعلومه واستفاد منها اذاي بحثت بحث عن اذاي النت متواصل بالعالم وعرفت حاجه اسمها برمجه وانها عالم تاني اتعلمت البرمجه وانا عندي 9 سنين تمام كده .
عرفت انك ممكن توصل نت للي جمبك وكده فقررت اعمل شبكه نت مايكروتك فضلت سنه عشان اعمل شبكه واذاي انفذها في القريه بتاعتنا والحمد الله نفذتها وانا عندي 12 سنه كل ده بمساعده المهندس شادي سوفت ومن هنا عرفت اللي انا بعملو ده مجال لوحدو اسمو شبكات ودرست فيه لحد ما اتقنتو كويس جدا .
وسألت لنفسي اذاي صفحت الفيس بوك اتصممت ومن هنا عرفت مجال جديد اسمو مبرمج ويب درست فيه وحبيتو جدا واشتغلت فيه سنتن فريلانس علي النت وعملت مواقع لي شركات  كبيره جدا وانا عندي 15 سنه وتقريبا ده اكتر مجال حبيتو لحد دلوقتي وبدأ اخذ شهادات من جوجل ومايكروسوفت في مجال البرمجه والويب والشبكات فضلت سنتين اقوي نفسي في مجالات دي لحد موصلت لي سن 16 سنه عرفت حاجه عن اسمها تسويق الاكتروني حيت المجال جدا درستو وحبيتو جدا من خلال دراسه سنه من البيت بدأت انزل شغل تسويق في الشركات الكبيره في مصر واشتغلت في 
  
شركه موظف بسيط جدا بدون مرتب لمده سنه كامله  لحد ما وصلت مدير التسويق الاكتروني كنت اصغر مدير وانا عندي 18 سنه كل ده وانا بدرس طبيعي ثانويه وبعد كده دخلت كليه .
وبعد كده اتعرفت علي المهندس هشام حمدون من خلال جي دي جي الفيوم من شركه جوجل  و اتعلمت حاجات كتير جدا .
انا تعبت عشان اوصل لكل معلومه وصلتها ومن هنا بدأت اقول لنفسي انا تعبت عشان اوصل للمعلومه كنت كل لما اقول لحد علي حاجه يقولي انتا لسا صغير  ومحدش يرضا يساعدني بحاجه حتي لو بس يعرفني هبدأ منين فقررت اني محدش هيتعب تاني في الوصول للمعلومه فقررت اكون يوتيوبر علي اليوتيوب وبدأت اعمل فديوهات علي القناه علي كل حاجه شبكات وبرمجه وتسويق وكل حاجه انا اتعلمتها ومستمر لحد دلوقتي ودلوقتي بحضر لي حاجات في الوقت الحالي.

الخلاصه
1_محديش هيساعدك في حاجه اعتمد علي نفسك حاول ولو فشلت حاول تاني النجاح مش بعيد عليك 
2_ هتلاقي ناس توقعك وتحاول تنزلك تحت ابعد عنهم حتي لو أقرب الناس ليك 
3_هتقابل يأس في حياتك كتير بس خليك واثق في ربنا 
ربنا قال (اسعي يا عبد وانا اسعي معاك) 
4_ النجاح محتاج شخص واثق في ربنا ان اللي بيعملو ده حاجه هو مؤمن بيها انها صح 
5_ خليك قد التحدي وقول للفشل شويه ورجعلك وهانتصر عليك 
6_ خليك واثق في نفسك متسمحش لحد مهما كان انو يقلل من نفسك اوقدرتك 
7_ اعمل الحاجه اللي انتا بتحبها عشان لو فشلت انتا اللي هتحاسب نفسك علي الاختيار 
8_ بص للشخصيات النجاحه في حياتك وحاول تتقرب منهم وتستفيد منهم هما دوال اللي عمرهم مايحقدو عليك وهيساعدوك
9_ اتقرب من ربنا ودي بدايه النجاح  
#خليك_واثق_في_ربنا
#ان_الله_معك_فلا_تخف
#الحمد_الله
#انت_تقدر
#You_Can

من نحن

authorانا محمد شريف في فرقه اولي كليه اداب جامعه بنها قسم جغرافيا واهب حياتي للتكنولوجيا العامه وحياتي عباره عن برمجه ومتخصص في Web developer وIt شبكات والبرمجه ان شاء الله هنقدر بيكو القضاء علي الاوميه في التكنولوجيا لانها هي المستقبل ادعولي
المزيد عني →

التصنيفات

Translate

اتصل بنا

الاسم

بريد إلكتروني *

رسالة *